திருவிதாங்கூர், உரங்கள் மற்றும் இரசாயனங்கள் நிறுவனம் என்பது இந்தியாவின் கேரளாவின் கொச்சியை தலைமையிடமாகக் கொண்ட ஒரு உர மற்றும் இரசாயன உற்பத்தி நிறுவனமாகும். இந்நிறுவனம் 1943 ஆம் ஆண்டில் திருவிதாங்கூர் இராச்சியத்தைச் சேர்ந்த மகாராஜா சிறீ சித்திரைத் திருநாள் பலராம வர்மன் என்பவரால் நிறுவப்பட்டது. இது சுதந்திர இந்தியாவில் முதல் உர உற்பத்தி நிறுவனமும், கேரள மாநிலத்தில் மிகப்பெரிய மத்திய பொதுத்துறை நிறுவனமும் ஆகும். இந்நிறுவனத்திற்கு ஏலூரிலுள்ள உத்யோகமண்டல் பிரிவு, மற்றும் அம்பலமேட்டிலுள்ள கொச்சி பிரிவு என 2 உற்பத்தி அலகுகள் உள்ளன. 1947 ஆம் ஆண்டில், கொச்சினுக்கு அருகிலுள்ள உத்தியோகமண்டலில் ஆண்டுக்கு 50,000 மெட்ரிக் டன் நிறுவப்பட்ட திறன் கொண்ட அம்மோனியம் சல்பேட் உற்பத்தியை நிறுவனம் தொடங்கியது. உத்யோகமண்டலில் உள்ள கப்ரோலாக்டம் ஆலை 1990 இல் தொடங்கப்பட்டது. அமோனியா, கந்தக அமிலம், அம்மோனியம் பாஸ்பேட்-சல்பேட், அம்மோனியம் சல்பேட், துத்தநாக அம்மோனியம் பாஸ்பேட், கப்ரோலாக்டம் மேலும் சிக்கலான உரங்கள் போன்ற முதன்மைப் பொருட்களை தயாரிக்கிறது. ஜிப்சம், நைட்ரிக் அமிலம், சோடியம் கார்பனேட்டு மற்றும் வண்ண அம்மோனியம் சல்பேட் ஆகியவை துணை தயாரிப்புகளாகும். Wikipedia