அரவிந்த் நிறுவனம் என்பது ஒரு நெசவு உற்பத்தியாளர் மற்றும் லால்பாய் குழுமத்தின் முதன்மை நிறுவனமாகும். இதன் தலைமையகம் இந்தியாவின் குசராத் மாநிலத்தில் அகமதாபாத் மாவட்டத்தில் நரோடா என்ற இடத்தில் உள்ளது. மேலும், இது சாண்டேஜில் (கலோலுக்கு அருகில்) தனது உற்பத்தி அலகுகளைக் கொண்டுள்ளது. இந்நிறுவனம் பருத்தி சட்டை, டெனிம், பின்னல் மற்றும் கால்சராய் (காக்கி) துணிகளை உற்பத்தி செய்கிறது. இது 2011 ஆம் ஆண்டில் மேம்பட்ட பொருட்கள் பிரிவைத் தொடங்கியபோது தொழில்நுட்ப நெசவுகளிலும் இறங்கியது. இது இந்தியாவின் மிகப்பெரிய டெனிம் உற்பத்தி நிறுவனமாகும். அரவிந்த் மற்றும் லால்பாய் குழுமத்தின் தற்போதைய தலைவரும் நிர்வாக இயக்குநராக சஞ்சய்பாய் லால்பாய் இருக்கிறார். 1980 களின் முற்பகுதியில், இவர் 'ரெனோ-பார்வை'க்கு தலைமை தாங்கினார். இதன் மூலம் நிறுவனம் டெனிமை உள்நாட்டு சந்தையில் கொண்டு சென்றது. இதனால் இந்தியாவில் ஜீன்ஸ் ஆடைப் புரட்சியைத் தொடங்கியது. இன்று அது தனது சொந்தப் பொருட்களான பிளையிங் மெஷின், நியூபோர்ட் மற்றும் எக்ஸ்காலிபர் மற்றும் அரோ, டாமி கில்பிகர் மற்றும் கால்வின் கிளீன் போன்ற சர்வதேச பொருட்களுக்கு அதன் நாடு தழுவிய சில்லறை வலைப்பின்னல் மூலம் உரிமம் வழங்கப்பட்டது. அர்விந்த் மூன்று ஆடை மற்றும் ஆபரணங்கள் சில்லறை சங்கிலித் தொடர்களை நடத்துகிறது. Wikipedia